ᐃᒃᐱᑭᑦᑐᖅᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᑕ ᒥᒃᓵᓄᑦ
ᓄᓘᔮᖕᓂ ᐅᔭᕋᖕᓂᐊᕐᕕᒃ ᐊᐅᓚᓂᖃᖅᓯᒪᐃᓐᓇᖅᑐᖅ ᐅᐊᖕᓇᖅᐸᓯᐊᓂ ᕿᑭᖅᑖᓘᑉ 2015-ᒥᓂ, ᐊᒻᒪᓗ ᐅᑭᐅᖅᑕᖅᑐᒦᓛᖑᓪᓗᓂ ᐅᔭᕋᖕᓂᐊᕐᕕᒃ ᓄᓇᕐᔪᐊᕐᒥ. ᐃᒃᐱᑭᑦᑐᖅᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐱᕐᔪᐊᖑᓪᓗᓂ ᐃᓚᒋᔭᐅᔪᖅ ᓄᓘᔮᑉ ᐅᔭᕋᖕᓂᐊᕐᕕᖓᓄᑦ. ᐃᒃᐱᑭᑦᑐᖅᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐊᖏᖅᑕᐅᓯᒪᔪᖅ ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ 2012-ᖑᑎᓪᓗᒍ ᐅᓯᑲᖅᑕᕈᓐᓇᕐᓗᑎ ᓴᕕᒃᓴᓂᒃ ᓄᓘᔮᖕᓂᑦ ᐅᔭᕋᖕᓂᐊᕐᕕᖕᒥᑦ ᐃᒃᐱᑭᑦᑐᕐᔪᐊᑉ ᑐᓚᒃᑕᕐᕕᖓᓄ. ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐱᐅᓯᒋᐊᕆᓂᐊᖅᑐᑦ ᐊᐅᓚᓂᖃᑦᑎᐊᕐᓂᖅᓴᐅᓕᖅᑎᑦᑎᓗᓂ, ᐅᑎᖅᑕᙱᓐᓂᖅᓴᐅᓕᕐᓗᑎᒃ ᐅᓯᑲᖅᑕᖅᑏᑦ ᐊᖅᑯᑖᓂ ᐊᒻᒪᓗ ᐃᓯᐊᕿᑎᑦᑎᙱᓐᓂᖅᓴᐅᓗᑎᒃ ᐊᒻᒪ ᐃᑲᔫᑎᐅᓂᐊᖅᖢᓂᓗ ᐊᑯᓂᐅᔪᒃᑯᑦ ᑲᔪᓯᔪᓐᓇᑦᑎᐊᕐᓗᓂ ᑲᔪᓯᓂᖃᑦᑎᐊᕐᓂᖓᓄᓪᓗ ᓄᓘᔮᖕᓂ ᐅᔭᕋᖕᓂᐊᕐᕕᒃ.
ᐱᔾᔪᑖ
ᐃᑲᔪᕐᓗᒋᑦ ᓯᓚ ᐊᓯᔾᔨᖅᐸᓪᓕᐊᓂᖓᓂ ᐊᖅᑭᒃᓱᐃᔪᑦ, ᓄᓇᕐᔪᐊᖅ ᐊᖅᑭᒋᐊᖅᑐᖅ ᐊᑐᖅᑕᐅᔪᓐᓃᕐᓗᑎ ᓄᑕᐅᖏᑦᑐᑦ ᐅᖅᓱᑦ ᓴᓗᒪᓂᕐᒧ ᐆᒻᒪᖅᑯᑎᓄᑦ. ᐱᐅᓂᖅᐹ ᓴᕕᒃᓴᖅ ᐃᑲᔪᖅᑐᐃᔭᕆᐊᖃᖅᑐᖅ ᐱᔭᕆᐊᖃᓪᓚᕆᒃᑐᓂ ᐃᓗᓕᖏᓐᓂ ᐅᓄᖅᑐᓂ ᐅᓪᓗᒥ ᓴᓗᒪᓂᖅᓴ ᐆᒻᒪᖅᑯᑏᑦ ᐱᓕᕆᔾᔪᓰᑦ ᐊᒻᒪᓗ ᐃᓚᔭᐅᓚᐅᖅᖢᓂ ᑲᓇᑕᒥ ᐅᔭᕋᖕᓂᐊᒐᒃᓴᑦ ᐱᕐᔪᐊᖑᓪᓗᑎᒃ ᑎᑎᕋᖅᓯᒪᔪᑦ 2024ᒥᑦ. ᐹᕙᓐᓛᓐ ᐊᖅᑭᒃᐸᓪᓕᐊᔪᖅ ᓄᓘᔮ ᐅᔭᕋᖕᓂᐊᕐᕕᒃ ᐱᔪᓐᓇᐅᑎᖏᑦ ᓄᓇᕗᒻᒥ ᐱᐅᓂᖅᐹ ᓴᕕᒃᓴᖅ ᓄᓇᕐᔪᐊᒧ ᓂᐅᕕᐊᒃᓴᕆᓗᒍ ᐱᕈᖅᐸᓪᓕᐊᓗᓂ.
ᓄᓘᔮᖕᓂ ᐅᔭᕋᖕᓂᐊᕐᕕᒃ ᓂᐅᕕᕐᕕᐅᔪᓐᓇᖅᑐᖅ ᐊᐅᓚᓂᖓ. ᓴᕕᒃᓴᐅᑉ ᐊᑭᖏᑦ ᐊᓯᔾᔨᖅᓴᕋᐃᑦᑐᑦ ᑕᕗᖓᑎᐊᑯᓗ, ᑕᐃᒪᐃᒻᒪ ᐱᒻᒪᕆᐅᔪᖅ ᓴᕕᒃᓴᒧᑦ ᐅᔭᕋᖕᓂᐊᕐᓂᖅ ᐃᓱᖃᖅᑎᖢᒍ ᐊᑭᖏᑦ ᐊᔪᕐᓇᖏᑐᐊᕌᖓᑦ. ᐊᑯᓂᐅᔪᒧᑦ ᐱᓕᕆᑦᑎᐊᕐᓂᐅᔪᖅ ᐅᔭᕋᖕᓂᐊᕐᕕᐅᑉ ᐱᔭᕆᐊᖃᖅᑕᖏᑦ ᐊᖅᑯᑎᑯᑖᑉ ᐊᑭᑭᓐᓂᖅᓴᕆᔭᖏᓐᓂ ᐊᒻᒪᓗ ᐊᑭᑦᑐᕆᐊᕐᓗᒋᑦ ᓴᕕᒃᓴᖅ ᐅᓯᑲᖅᑕᖅᑕᐅᔪᓐᓇᖅᓂᖓ ᐅᔭᕋᖕᓂᐊᕐᕕᖕᒥ. ᐃᒃᐱᑭᑦᑐᖅᔪᐊᖅ ᐊᖅᑯᑎᑯᑖᒋᓂᐊᖅᑕᖓᓂ, ᓄᓘᔮ ᐅᔭᕋᖕᓂᐊᕐᕕᒃ ᐊᓯᔾᔨᕐᓂᐊᖅᑐᖅ ᓴᕕᒃᓴᐃᑦ ᓄᓇᓯᐅᑎᒃᑰᕐᓗᑎ ᐊᒻᒪᓗ ᓴᕕᒃᓴᖅ ᐅᓯᑲᖅᑕᖅᑕᐅᓗᓂ ᓄᓪᓗᓂ ᓂᒋᐊᓄ ᐃᒃᐱᑭᑦᑐᕐᔪᐊᖅ ᐊᖅᑯᑖᒍᑦ.
ᐱᓕᕆᐊᑉ ᐃᓗᓕᖏᑦ
ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐱᕐᔪᐊᖑᔪᖅ ᐅᓯᑲᖅᑕᕐᓂᕐᒧᑦ ᒪᑭᒪᔾᔪᑎᓄᑦ, ᑐᖓᕕᐅᖏᓐᓇᐅᔭᖅᖢᓂᓗ ᓄᓘᔮᖕᓂ ᐅᔭᕋᖕᓂᐊᕐᕕᕐᒥ ᑕᐃᑲᖓᓂᑦ ᐊᖏᖅᑕᐅᓚᐅᖅᑎᓪᓗᒍ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ 2012-ᒥ. ᓴᓇᔭᐅᓯᒪᓕᕈᓂ, ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐱᔪᓐᓇᖅᑎᑦᑎᓂᐊᖅᑐᑦ ᐊᖏᓂᖅᓴᒥ ᓴᕕᒃᓴᓂᒃ ᐅᔭᕋᖕᓂᐊᕐᕕᖕᒥᑦ ᐅᓯᑲᖅᑕᖅᑕᐅᓗᑎᒃ ᑐᓚᒃᑕᕐᕕᖕᒧᑦ ᐊᐅᓪᓚᖅᑎᑕᐅᔪᒃᓴᐅᓂᐊᖅᑐᓄᑦ. ᐊᑐᕈᓐᓃᖅᐸᓪᓕᐊᓂ ᓴᕕᒃᓴᓂᒃ ᐊᖏᓂᖅᓴᐅᓕᕐᓗᓂ ᐊᐅᓚᓂᑦᑎᓐᓄᑦ ᐊᒻᒪᓗ ᑮᓇᐅᔭᖅᑐᖏᓐᓂᖅᓴᐅᓕᕐᓗᓂ ᐊᐅᓚᓂᕆᔭᖓᓄ ᓄᓘᔮᖕᓂ ᐱᓕᕆᐊᖅ, ᐳᔫᓗᐊᖏᓐᓂᖅᓴᐅᓕᕐᓗᓂ ᐃᓯᐊᕿᑎᑦᑎᙱᓐᓂᖅᓴᐅᓗᑎᒡᓗ ᐊᑐᖅᑕᐅᓂᖏᓐᓄᑦ ᓄᓇᓯᐅᑏᑦ ᐊᐅᓚᓂᕐᒥ.
ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐃᓗᓕᖃᖅᑐᑦ ᐅᑯᓂᖓ ᐃᓗᓕᓪᓗᐊᑕᐅᔪᓂᒃ:
- 149−ᑭᓛᒥᑕᑦ ᓄᓇᖓᒍᑦ ᐊᖅᑯᑎ, ᐱᖓᓱᑦ ᐊᖅᑯᑎᓪᓗᐊᑕᖓᓂ ᖄᖏᖅᓯᓂᕐᒧᑦ ᐅᐃᕙᕐᓃᑦ, ᑎᑭᓐᓂᕐᒧᑦ ᐊᐅᓪᓚᓯᓂᕐᒧᓪᓗ ᐊᖅᑯᑏᑦ ᐃᒃᐱᑭᑦᑐᕐᔪᐊᓂ ᑐᓚᒃᑕᕐᕕᒃᓴᒥ ᐊᒻᒪ ᐅᔭᕋᖕᓂᐊᕐᕕᐅᔪᒥ.
- ᒪᕐᕉᒃ ᓄᓇᐅᑉ ᐃᓗᐊᒍᑦ 1,000-ᐸᓗᖕᒥᒃ ᒦᑕᓂᒃ ᐊᒻᒪᓗ 300 ᒦᑕᓂᒃ ᑕᑭᓂᖃᖅᑐᑦ, ᐊᑐᓂ
- 42 ᐃᑳᕐᕖᑦ ᐊᒻᒪ 258-ᓗᐊᑦ ᑰᒡᕖᑦ
- ᐊᐅᓚᐅᑏᑦ ᐊᒻᒪ ᑲᓕᒐᐃᑦ
- ᓴᕕᒃᓴᓂᒃ ᐊᒻᒪ ᐅᓯᓕᖅᓱᐃᕝᕕᑦ/ᐅᓯᖏᐊᕐᑰᑦ ᐃᒡᓗᕐᔪᐊᑦ ᐅᔭᕋᖕᓂᐊᕐᕕᖕᒥ ᐊᒻᒪ ᐃᒃᐱᑭᑦᑐᕐᔪᐊᓂ ᑐᓚᒃᑕᕐᕕᒃᓴᒥ
- ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᓂᒃ ᐋᖅᑭᐅᒪᑎᑦᑎᕝᕕᒃ ᐊᒻᒪ ᐃᓂ ᐃᒃᐱᑭᑦᑐᕐᔪᐊᓂ ᑐᓚᒃᑕᕐᕕᖕᒥ
- ᐃᑲᔪᖅᑐᐃᕝᕖᑦ ᐃᒡᓗᕐᔪᐊᑦ (ᓲᕐᓗ ᑐᓴᐅᒪᖃᑎᒌᖕᓂᕐᒧᑦ ᓇᑉᐸᖅᑯᑏᑦ)
ᑕᑕᖅᑎᑕᐅᓯᒪᔪᖅ ᑲᓇᑕᒥ ᐃᖏᕐᕈᔪᓕᕆᔨᒃᑯᓐᓄᑦ
ᐹᕙᓐᓛᓐ ᑐᓂᓯᓚᐅᖅᑐᑦ ᑕᑕᑎᕆᓯᒪᔪᒥᑦ ᑲᓇᑕᒥ ᐃᖏᕐᕋᔪᓕᕆᔨᒃᑯᓐᓄᑦ (ᑐᑦᑕᕐᕕ), ᐊᖏᖅᑕᐅᔪᒪᔪᑦ ᓴᓇᔭᐅᖁᓪᓗᒍ ᐊᖅᑯᑎᑯᑖ ᑐᑭᓕᐊᕐᓂᖓ, ᒪᓕᒃᓗᒍ ᐊᕕᖅᑐᖅᓯᒪᓂᖓ 98 ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᐱᖁᔭᖓ (CTA). ᐹᕙᓐᓛᓐ ᐹᕙᓐᓛᓐᑯᑦ ᑐᓂᓯᓯᒪᔪᑦ ᑕᑕᑎᖅᓯᒪᔪᒥᒃ ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᑎᒥᖁᑖᓄᑦ (ᑎᒥᐅᔪᖅ), ᐊᖏᖅᑕᐅᔪᒪᓪᓗᑎᒃ ᓴᓇᔭᐅᓂᒃᓴᖓᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ, ᒪᓕᒃᖢᑎᒃ ᐊᕕᒃᑐᖅᓯᒪᔪᖅ 98 ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᐱᖁᔭᕐᒥᒃ (CTA). ᐹᕙᓐᓛᓐᑯᑦ ᐊᖏᖅᑕᐅᓇᓱᒃᑐᑦ ᑎᒥᐅᔪᒥᑦ ᓴᓇᓂᕐᒧᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᓂᒃ 149 ᑭᓛᒥᑐᐸᓗᖕᓂᒃ ᑕᑭᓂᖃᓪᓗᐊᖅᖢᓂ, ᐊᒃᑐᐊᓕᖅᑎᑦᑎᓂᐊᖅᑐᑦ ᓄᓘᔮᖕᓂ ᐅᔭᕋᖕᓂᐊᕐᕕᖕᒥᑦ ᐃᒃᐱᑭᑦᑐᕐᔪᐊᓄᑦ ᑐᓚᒃᑕᕐᕕᒃᓴᒧᑦ (ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ). ᑲᖑᓇᙱᑦᑐᑦ ᐃᓗᓕᖏᑦ ᑕᑕᑎᖅᑕᐅᓯᒪᔪᑦ ᓴᖅᑭᑕᐅᓯᒪᔪᑦ ᑕᕝᕘᓇ ᐃᑭᐊᖅᑭᕕᒃᑯᑦ.
ᐊᕕᒃᑐᖅᓯᒪᔪᖅ 98 ᐱᓇᔫᑎ ᐊᖏᖅᑕᐅᔪᒪᔾᔪᑎᒧᑦ ᓴᓇᔪᒪᓂᕐᒧᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᓄᑦ ᑎᑎᖃᖏᑦ
- ᑭᒃᑯᑐᐃᓐᓇᕐᓄᑦ ᑐᓴᒐᒃᓴᑦ
- ᓄᓇᓖᑦ ᐃᓈᖅᓯᒪᔪᖅ
- ᐱᓪᓗᐊᑕᐃᑦ ᓱᓕᔪᑦ ᑎᑎᕋᖅᓯᒪᔪᑦ
- ᐊᕕᒃᑐᖅᓯᒪᔪᖅ 98 ᐱᓇᔫᑎ: ᐊᕕᒃᑐᖅᓯᒪᔪᖅ 1 ᐊᒻᒪᓗ ᐊᕕᒃᑐᖅᓯᒪᔪᖅ 2
- ᐊᕕᒃᑐᖅᓯᒪᔪᖅ 98 ᐱᓇᔫᑎ: ᐃᓗᔨᖏᑦ ᐃᑲᔫᑎᒃᓴᕐᓄᑦ ᑎᑎᖃᑦ
- ᐱᖃᖅᑎᐅᔪᓂᒃ ᑲᑎᒪᖃᑎᖃᖃᑦᑕᕐᓂᕐᒧᑦ ᐅᓂᒃᑳᑦ: ᓇᓗᓇᐃᔭᐃᓂᖅ ᐊᒻᒪᓗ ᑎᑎᕋᖅᓯᒪᔪᑦ ᐃᓗᓕᖏᑦ
- ᐱᖃᖅᑎᐅᔪᓂᒃ ᑲᑎᒪᖃᑎᖃᖃᑦᑕᕐᓂᕐᒧᑦ ᐅᓂᒃᑳᑦ: ᐅᐃᒍ 3. ᒐᕙᒪᑐᖃᒃᑯᑦ ᑐᓴᕋᓱᐊᕐᓂᕐᒧᑦ ᐳᓚᕋᓐᓂᖏᓐᓄᑦ ᑎᑎᖃᑦ (ᓇᓗᓇᐃᔭᐃᓂᖅ ᐊᒻᒪᓗ ᑎᑎᕋᖅᓯᒪᔪᑦ ᐃᓗᓕᖏᑦ)
- ᐱᖃᖅᑎᐅᔪᓂᒃ ᑲᑎᒪᖃᑎᖃᖃᑦᑕᕐᓂᕐᒧᑦ ᐅᓂᒃᑳᑦ: ᐅᐃᒍ 4. ᓇᐃᓈᖅᓯᒪᔪᑦ ᐱᔪᒥᒋᔭᐅᔪᑦ ᐊᒻᒪ ᓄᓇᓖᑦ ᑎᑎᕋᖅᓯᒪᔪᑦ (ᓇᓗᓇᐃᔭᐃᓂᖅ ᐊᒻᒪᓗ ᑎᑎᕋᖅᓯᒪᔪᑦ ᐃᓗᓕᖏᑦ)
ᑖᒃᑯᓄᖓᓪᓚᑦᑖᖅ ᐊᕕᒃᑐᖅᓯᒪᔪᓂᒃ ᑎᑎᖃᖅᑕᓕᒃ ᖁᓛᓂᑦᑐᓄᑦ ᐅᖃᓕᒫᕈᒪᓐᓂᕈᕕᒋᑦ ᐃᓄᒃᑎᑐᑦ, ᓇᒃᓯᐅᑎᕝᕕᒋᑎᒍᑦ ᖃᕆᓴᐅᔭᒃᑯᑦ ᐃᕐᖐᕐᓈᖅᑕᐅᒃᑯᑦ ᐅᕗᖓ ᑐᕌᕈᑎᒧᑦ SteensbyRailway@baffinland.com.