ᐱᓕᕆᐊᒥᑦ ᐱᕚᓪᓕᕈᑏᑦ
ᓄᓇᓕᖕᓂ ᐱᓕᕆᖃᑎᖃᕐᓃᑦ ᐊᒻᒪ ᐃᖅᑲᓇᐃᔮᒃᓴᑦ
ᓄᙳᐊᓂ 2024-ᒥ, ᐹᕙᓐᓛᓐᑯᑦ ᐊᑭᓖᓚᐅᖅᑐᑦ ᑲᑎᑉᐸᓪᓕᐊᓪᓗᑎᒃ ᐊᑭᓖᓯᒪᓕᖅᑐᑦ ᐅᖓᑖᓂ $164 ᒥᓕᐊᓐ ᑮᓇᐅᔭᑎᒍᑦ ᐃᑲᔫᑎᓂᒃ ᕿᑭᖅᑕᓂ ᐃᓄᖕᓄᑦ, ᐊᑐᐃᓐᓇᕈᐃᓯᒪᓪᓗᑎᒃ ᐊᑭᓖᓪᓗᑎᒃ ᐅᖓᑖᓂ $150 ᒥᓕᐊᓐ ᑮᓇᐅᔾᔭᒃᓴᐅᑕᐅᔪᓂᒃ ᐃᓄᖕᓄᑦ ᐃᖅᑲᓇᐃᔭᖅᑎᓄᑦ ᑳᓐᑐᓛᒃᑎᓄᓪᓗ, ᑎᑭᐅᑎᓯᒪᓪᓗᑎᒃ ᐅᖓᑖᓄᑦ $1.79 ᐱᓕᔭᓐ ᑳᓐᑐᓛᑦ ᑐᓂᔭᐅᔪᑦ ᐃᓄᐃᑦ ᑎᒥᖁᑎᖏᓐᓄᑦ, ᐊᑐᐃᓐᓇᕈᐃᓯᒪᓪᓗᑎᒃ ᐅᖓᑖᓂ $3.8 ᒥᓕᐊᓐ ᐊᑐᖅᑕᐅᓪᓗᑎᒃ ᑮᓇᐅᔭᖃᖅᑎᑕᐅᓂᕐᒧᑦ ᑐᓐᓂᖅᑯᓯᐊᓄᓪᓗ ᐱᓕᕆᐊᒃᑯᑦ, ᑕᑯᓯᒪᓪᓗᑎᒡᓗ ᐅᖓᑖᓂ 650 ᐃᓕᓐᓂᐊᕌᓂᒃᑐᓂᒃ ᐃᖅᑲᐃᔭᓕᖅᑳᖅᑎᓐᓇᒋᑦ ᐃᓕᓐᓂᐊᕈᑎᓂᒃ, ᐊᒻᒪ ᐃᓕᓐᓂᐊᖅᑎᑦᑎᓯᒪᓪᓗᑎᒃ ᐅᖓᑖᓂ 229,000 ᐃᑲᕐᕋᐃᑦ ᐃᓕᓐᓂᐊᖅᑎᑦᑎᓃᑦ ᐃᓄᖕᓂᒃ ᐃᖅᑲᓇᐃᔭᖅᑎᓂᒃ, ᐱᖃᓯᐅᑎᓪᓗᒋᑦ ᐊᓯᖏᑦ ᐃᓅᓰᑦ-ᒪᑭᒪᔾᔪᑎᓄᓪᓗ ᐱᕚᓪᓕᕈᑎᓄᑦ.
ᐊᕙᑎᒧᑦ ᐱᕚᓪᓕᕈᑏᑦ
ᐊᒥᓱᑦ ᐊᕙᑎᓕᕆᓂᕐᒧᑦ ᐊᑲᐅᔾᔪᑏᑦ ᓴᖅᑭᓐᓂᐊᖅᑐᑦ ᐊᑐᖔᓕᖅᑎᓪᓗᒋᑦ ᓄᓇᓯᐅᑎᓅᕈᓐᓃᕐᓗᑎᒃ ᓄᓇᓯᐅᑎᑯᑖᑉ ᐊᖅᑯᑎᑯᑖᖓᒎᓕᕐᓗᑎᒃ ᐅᓯᑲᖅᑕᕐᓃᑦ, ᐱᖃᓯᐅᑎᓪᓗᒋᑦ ᐱᓗᐊᕈᓐᓃᖅᑎᑦᑎᓗᑎᒃ ᑕᒪᐃᓐᓂᒃ ᓄᓇᕐᔪᐊᒥ ᐅᖅᑰᓯᕙᓪᓕᐊᔪᑎᓂᒃ ᐊᒻᒪ ᐳᔫᙱᓐᓂᖅᓴᐅᓕᕐᓗᓂ ᐅᓯᑲᖅᑕᖅᑏᑦ ᐊᖅᑯᑖᓂ. ᐊᒻᒪᓗᑦᑕᐅᖅ, ᐹᕙᓐᓛᓐᑯᑦ ᐊᐅᓪᓚᖅᑎᑦᑎᖃᑦᑕᕈᓐᓃᕋᔭᖅᑐᑦ ᓴᕕᒃᓴᓂᒃ ᕿᙳᐊᒍᑦ, ᓴᖅᑮᓂᐊᖅᖢᓂᓗ ᓴᓇᕝᕕᐅᔪᒥ ᐊᐅᓪᓚᖅᑎᑦᑎᓂᕐᒧᑦ ᐱᓕᕆᙱᓐᓂᖅᓴᐅᓕᕐᓗᑎᒃ ᐅᑕᖅᑭᔭᐅᔪᒥ ᑕᓪᓗᕈᑎᐅᑉ ᐃᒪᖓᓂ ᑲᓇᑕᒥ ᐃᒪᕐᒥᐅᑕᓂᒃ ᔭᒐᐃᑦᑕᐃᓕᒪᕝᕕᐅᔪᒥ (TINMCA).
ᑖᒃᓰᔭᐃᔾᔪᑏᑦ ᐊᒻᒪ ᑮᓇᐅᔭᑎᒍᑦ ᐱᕚᓪᓕᕈᑏᑦ
ᐹᕙᓐᓛᓐᑯᑦ ᒥᒃᓴᐅᓴᐃᓯᒪᔪᑦ ᑲᑎᖢᒋᑦ ᐊᑭᖏᑦ ᑮᓇᐅᔭᑎᒍᑦ ᐱᕚᓪᓕᐅᑕᐅᔪᓂᒃ, ᐃᓄᖕᓄᐊᕋᔭᖅᑐᑦ ᓄᓇᕗᒻᒧᓪᓗ ᐅᔭᕋᖕᓂᐊᕐᓂᓗᒃᑖᖏᓐᓂᒃ ᓄᓘᔮᖕᓂ ᐱᓕᕆᐊᒥᑦ (ᐱᖃᓯᐅᑎᓪᓗᒍ ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ), ᐅᖓᑕᐅᔾᔨᓯᒪᓂᐊᖅᑐᑦ $5 ᐱᓕᐊᓐ ᑲᓇᑕᒥ ᑮᓇᐅᔭᑦ ᒪᓕᒃᖢᒋᑦ ᐊᑭᓕᐅᑕᐅᓪᓚᑦᑖᕐᓂᐊᖅᑐᑦ ᒐᕙᒪᖏᓐᓄᑦ ᓄᓇᕗᒻᒥ ᑲᓇᑕᒥᓗ, ᐊᒻᒪ ᐃᓄᐃᑦ ᑎᒥᖁᑎᖏᓐᓄᑦ, ᐱᖃᓯᐅᑎᓪᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪ ᓄᓇᕗᑦ ᑐᙵᕕᒃ ᑎᒥᖁᑖᓄᑦ, ᐊᒻᒪᓗᑦᑕᐅᖅ ᐅᖓᑖᓂ $1 ᐱᓕᐊᓐ ᑲᓇᑕᒥ ᑮᓇᐅᔭᑦ ᒪᓕᒃᖢᒋᑦ ᐊᑭᓕᐅᑕᐅᓪᓚᑦᑖᕐᓂᐊᖅᑐᑦ ᐃᓄᖕᓄᑦ ᐃᖅᑲᓇᐃᔮᑎᒍᑦ ᓄᓘᔮᖕᓂ ᐱᓕᕆᐊᒥ
ᑲᓇᑕᐅᑉ ᐱᔪᓐᓇᕐᓂᖃᕐᕕᖓ ᐅᑭᐅᖅᑕᖅᑐᒥ
ᐱᓕᕆᐊᖅ ᐃᑲᔪᕐᓂᐊᖅᑐᑦ ᓴᙱᒃᑎᒋᐊᕐᓗᒋᑦ ᑲᓇᑕᐅᑉ ᐱᔪᓐᓇᕐᓂᖃᕐᕕᖓᓂᒃ ᐅᑭᐅᖅᑕᖅᑐᒥ ᓴᐳᔾᔨᓯᒪᓂᒃᑯᑦ ᑲᓇᑕᐅᑉ ᐊᕙᑎᖓᓂ ᐃᑦᑕᕐᓂᓴᓕᕆᓂᖅ, ᐱᔪᒥᓴᐃᓂᖅ ᒪᑭᒪᔾᔪᑎᑎᒍᑦ ᐊᒻᒪ ᐃᓄᖕᓄᑦ ᐱᕙᓪᓕᐊᓂᕆᔭᐅᔪᖅ ᓄᓇᖓᓂ, ᐊᒻᒪ ᐱᐅᓯᒋᐊᖅᑎᓪᓗᒋᑦ ᐅᑭᐅᖅᑕᖅᑐᒥ ᐊᐅᓚᑦᑎᔾᔪᑕᐅᔪᑦ.
o ᐱᓕᕆᐊᖅ ᐱᕙᓪᓕᐊᑎᑦᑎᓂᐊᕐᒥᔪᖅ ᖁᑦᑎᒃᑐᒥ ᐅᑭᐅᖅᑕᖅᑐᒥ ᑐᐊᕕᕐᓇᖅᑐᓕᕆᔪᓐᓇᕐᓂᖅᓴᐅᓂᕐᒥᒃ ᐊᒻᒪ ᐊᑐᐃᓐᓇᐅᑎᑦᑎᓗᑎᒃ ᐊᑐᖅᑕᐅᓇᔭᖅᑐᒥᒃ ᑲᓇᑕᒥ ᓯᑯᓯᐅᓯᕆᔨᒃᑯᓐᓄᑦ ᑲᓇᑕᒥᓗ ᐅᓇᑕᖅᑐᒃᓴᓄᑦ.