ᐱᐅᓯᕆᔭᐅᕙᓚᐅᖅᑐᑦ ᓄᓗᔮᖕᓂ ᐱᓕᕆᐊᖑᔪ
ᓄᓘᔮᖕᓂ ᐱᓕᕆᐊᒥ ᐃᑎᖅᓴᓕᐅᖅᖢᑎᒃ ᐅᔭᕋᖕᓂᐊᖅᑐᑦ ᓴᕕᒃᓴᑦᑎᐊᕙᐅᓛᖑᓪᓗᓂ ᐅᔭᕋᖕᓂᐊᒐᒃᓴᖅ ᖃᐅᔨᔭᐅᓯᒪᔪᖅ, ᓴᕕᒃᓴᑦᑎᐊᕙᐅᓛᖃᖅᖢᓂ ᐅᔭᕋᖕᓂᐊᖅᑕᐅᔪᓐᓇᖅᑐᖅ, ᓯᖃᓪᓕᔭᐅᓗᓂ, ᐊᕕᒃᑐᖅᑕᐅᓗᓂ ᓂᐅᕐᕈᑎᒃᓴᙳᖅᑎᑕᐅᓗᓂ. ᑲᒪᒋᔭᐅᔭᕆᐊᖃᙱᑦᑐᑦ ᐊᒻᒪ ᑕᓯᕆᓕᐅᖅᓂᖅᑕᖃᙱᖢᓂ ᐅᔭᕋᖕᓂᐊᕐᕕᖕᒥ, ᐱᐅᔫᓪᓗᓂ ᓴᓗᒪᓂᖅᓴᑎᒍᑦ ᓴᕕᕋᔭᓕᐅᕐᓂᕐᒧᑦ, ᐱᔭᐅᔪᒪᓂᖅᓴᐅᓪᓗᓂᓗ ᑲᒻᐸᓂᐅᔪᑦ ᑐᐊᕕᓕᖅᑎᓪᓗᒋᑦ ᐸᐅᒃᓴᐅᓕᙱᓐᓂᖅᓴᐅᓂᕐᒧᑦ.
ᒪᓕᒐᓕᕆᓂᖅᑎᒍᑦ ᐱᐅᓯᕆᔭᐅᕙᓚᐅᖅᑐᑦ
ᐱᒋᐊᕐᖓᐅᑏᑦ ᖃᐅᔨᓴᕈᑏᑦ ᐊᒻᒪ ᐊᕙᑎᒥᒃ ᕿᒥᕐᕈᓂᖅ - 2008-ᒥᑦ 2012-ᒧᑦ
ᐹᕙᓐᓛᓐᑯᑦ ᐱᓕᕆᐊᖃᖅᓯᒪᔪᑦ ᐊᒥᓱᓂᒃ ᖃᐅᔨᓴᕐᓂᕐᒥᒃ ᕿᒥᕐᕈᓂᕐᓂᓪᓗ ᐃᑲᔪᖅᑐᐃᓇᓱᐊᖅᖢᑎᒃ ᓄᓘᔮᖕᓂ ᐱᓕᕆᐊᒥ, ᐱᖃᓯᐅᑎᓪᓗᒋᑦ ᐊᕙᑎᓕᕆᕐᔪᐊᖅᑐᓂᒃ ᕿᒥᕐᕈᓂᕐᓂᒃ, 2008-ᒥᑦ 2012-ᒧᑦ, ᐱᓕᕆᐊᖑᓪᓗᑎᒃ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ, ᐊᕙᑎᓕᕆᓂᕐᒧᑦ ᕿᒥᕐᕈᓂᕐᒧᑦ ᐱᔪᓐᓇᐅᑎᖃᖅᑐᑐᐊᑦ ᓄᓇᕗᒻᒥ (ᒪᓕᒃᖢᑎᒃ ᑎᑎᕋᖅᓯᒪᔪᖅ 12 ᓄᓇᕗᒻᒥ ᐊᖏᕈᒻᒥ).
ᐅᔭᕋᖕᓂᐊᕈᓐᓇᐅᑎᐅᑉ ᓈᓴᐅᑖ 005 -2012
ᓄᓘᔮᖕᓂ ᐱᓕᕆᐊᖅ ᐊᖏᖅᑕᐅᓯᒪᔪᖅ ᒥᓂᔅᑕᒧᑦ ᐅᑭᐅᖅᑕᖅᑐᓕᕆᓂᕐᒧᑦ ᐊᒻᒪᓗ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑐᓂᓯᓯᒪᔪᑦ ᐅᔭᕋᖕᓂᐊᕈᓐᓇᐅᑎ ᓈᓴᐅᑖ 005-ᒥᒃ ᑎᓯᐱᕆ 28, 2012-ᖑᑎᓪᓗᒍ. ᐅᔭᕋᖕᓂᐊᕈᓐᓇᐅᑎ ᐱᔪᓐᓇᖅᑎᑦᑎᔪᖅ ᐹᕙᓐᓛᓐᑯᑦ ᑲᔪᓯᒋᐊᕐᓗᑎᒃ ᓄᓘᔮᖕᓂ ᐱᓕᕆᐊᒥᒃ, ᐱᖃᓯᐅᑎᓪᓗᖏᑦ ᐅᔭᕋᖕᓂᐊᕐᓂᖅ ᓴᕕᒃᓴᓂᒃ ᓄᓘᔮᖕᓂ ᐅᔭᕋᖕᓂᐊᕐᕕᖕᒥ, ᐊᒻᒪ ᐊᕐᕌᒍᓗᒃᑖᖅ ᐅᓯᑲᖅᑕᕐᓗᑎᒃ ᐊᐅᓪᓚᖅᑎᑦᑎᖃᑦᑕᕐᓗᑎᒡᓗ ᓴᕕᒃᓴᓂᒃ ᓂᐅᕈᓯᕐᕕᖕᓄᑦ, ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᒍᑦ, ᐃᒃᐱᑭᑦᑐᕐᔪᐊᓂ ᑐᓚᒃᑕᕐᕕᒃᓴᒃᑯᑦ, ᐊᒻᒪ ᓂᒋᐊᒍᑦ ᐊᐅᓪᓚᖅᑎᑦᑎᓂᕐᒧᑦ ᐊᖅᑯᑖᒍᑦ ᐃᒃᐱᑭᑦᑐᕐᔪᐊᓂ ᑐᓚᒃᑕᕐᕕᒃᓴᑎᒍᑦ ᐊᒥᑦᑑᑉ ᐃᒪᖓᒍᑦ ᓄᓇᕐᔪᐊᒥ ᓂᐅᕐᕈᓯᕐᕕᖕᓄᑦ.
ᐋᖅᑭᒋᐊᕈᑎ ᓈᓴᐅᑖ 1 ᐅᔭᕋᖕᓂᐊᕈᓐᓇᐅᑎ 005-ᒧᑦ − ᑮᓇᐅᔭᒃᓴᓵᓕᓇᓱᖕᓂᖅ (ERP), 2014
ᑮᓇᐅᔾᔭᒃᓴᓵᓕᕆᓂᕐᒧᑦ ᑐᒃᓯᕋᐅᑦ ᐃᓚᓕᓯᒪᔪᖅ ᐃᓗᓕᖏᓐᓂᒃ ᐊᖏᖅᑕᐅᓯᒪᔪᒧᑦ ᓄᓘᔮᖕᓂ ᐱᓕᕆᐊᒧᑦ, ᐱᖃᓯᐅᑎᓪᓗᒋᑦ ᐅᓯᑲᖅᑕᕐᓃᑦ 4.2 ᒥᓕᐊᓐ ᑕᓐᓯᑦ ᐊᕐᕌᒍᑕᒫᒧᑦ ᓴᕕᒃᓴᓂᒃ ᓄᓇᓯᐅᑎᒃᑯᑦ ᓄᓘᔮᖕᓂ ᐅᔭᕋᖕᓂᐊᕐᕕᖕᒥ, ᐊᑐᖅᑕᐅᓗᓂ ᐅᓯᑲᖅᑕᖅᑏᑦ ᐊᖅᑯᑖᖑᑦ, ᐊᒻᒪᓗ ᑕᒪᓐᓇ ᐊᐅᓪᓚᖅᑎᑦᑎᖃᑦᑕᕐᓂᖅ ᓴᕕᒃᓴᓂᒃ ᓂᐅᕐᕈᓯᕐᕕᖕᓄᑦ ᕿᙳᐊᓂ ᑐᓚᒃᑕᕐᕕᖕᒧᑦ ᑕᓯᐅᔭᒃᑯᑦ ᕿᑭᖅᑖᓘᑉ ᐃᑭᖓᓄᑦ. ᑖᓐᓇ “ᐋᖅᑭᒃᐸᓪᓕᐊᔪᒃᑯᑦ ᐊᑐᖅᑕᐅᓇᓱᐊᖅᑐᖅ” ᐱᕙᓪᓕᐊᓂᕐᒧᑦ ᓄᓘᔮᖕᓂ ᐅᔭᕋᖕᓂᐊᕐᕕᖕᒥ ᐊᔪᕈᓐᓃᖅᑎᑦᑎᓯᒪᔪᖅ ᐹᕙᓐᓛᓐᑯᑦ ᐱᒋᐊᕐᓗᑎᒃ ᒥᑭᓐᓂᖅᓴᒥᒃ ᐅᔭᕋᖕᓂᐊᕐᓂᕐᒥ ᐊᐅᓚᓂᕐᒥᒃ, ᐱᕙᓪᓕᐊᓯᒪᓂᖓᓄᑦ ᓴᓇᔭᐅᕙᓪᓕᐊᕋᔮᕐᓗᓂ ᐊᒻᒪ ᐊᐅᓚᓂᖃᓕᕐᓗᓂ ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᑐᓚᒃᑕᕐᕕᒃᓴᖓᓗ. ᒥᓂᔅᑕ ᐊᖏᖅᓯᓯᒪᔪᖅ ᑮᓇᐅᔾᔭᒃᓴᓵᓕᓇᓱᕐᓂᕐᒧᑦ ᑐᒃᓯᕋᐅᒻᒥᒃ ᐊᒻᒪ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑐᓂᓯᓯᒪᔪᑦ ᐋᖅᑭᒋᐊᕈᑎᒥᒃ ᓈᓴᐅᑎ 1-ᒥᒃ ᐅᔭᖃᖕᓂᐊᕈᓐᓇᐅᑎᒧᑦ ᒪᐃ 28, 2014-ᒥ.
ᐋᖅᑭᒋᐊᕈᑎ ᓈᓴᐅᑖ 2-5 ᐅᔭᕋᖕᓂᐊᕈᓐᓇᐅᑎ - ᐅᔭᕋᓂᐊᕆᐊᓪᓚᒍᒪᓂᕐᒧᑦ ᑐᒃᓯᕋᐅᑎᒧᑦ ᐋᖅᑭᒋᐊᕈᑎ - 2018-ᒥᑦ 2023-ᒧᑦ
ᐹᕙᓐᓛᓐᑯᑦ ᐆᒃᑐᖅᓯᒪᔪᑦ ᐊᒻᒪ ᑐᓂᔭᐅᓯᒪᓪᓗᑎᒃ ᐋᖅᑭᒋᐊᕈᑎᒃᑲᓐᓂᕐᓂᒃ ᐅᔭᕋᖕᓂᐊᕈᓐᓇᐅᑎᒧᑦ 2018-ᒥ, 2020, 2022 ᐊᒻᒪ 2023, ᐱᔪᓐᓇᖅᑎᑦᑎᔪᖅ ᐅᓯᑲᖅᑕᕆᐊᓪᓚᒍᓐᓇᕐᓗᑎᒃ ᓴᕕᒃᓴᓂᒃ ᑕᐅᕘᓇ ᐅᓯᑲᖅᑕᖅᑏᑦ ᐊᖅᑯᑖᒍᑦ ᐊᒻᒪ ᕿᙳᐊᒍᑦ ᖄᒃᑲᓐᓂᐊᒍᑦ 1.8 ᒥᓕᐊᓐ ᑕᓐᓯᑦ ᐊᕐᕌᒍᑕᒫᒧᑦ, ᑲᑎᖢᒋᑦ 6.0 ᒥᓕᐊᓐ ᑕᓐᓯᑦ ᐊᕐᕌᒍᑕᒫᒧᑦ. ᐹᕙᓐᓛᓐᑯᑦ ᓇᓗᓇᐃᖅᓰᓐᓇᖅᓯᒪᔪᑦ ᐱᓂᐊᕐᓂᕋᖅᖢᑎᒃ ᐱᕙᓪᓕᐊᕋᔮᕐᓂᖓᓂᒃ ᐃᒃᐱᑭᑦᑐᕐᔪᐊᓕᕆᓂᕐᒧᑦ.
ᐃᒃᐱᑭᑦᑐᕐᔪᐊᓕᕆᓂᖅ - ᒫᓐᓇ ᖃᓄᐃᓕᖓᓕᕐᓃᑦ
ᐹᕙᓐᓛᓐᑯᑦ ᒫᓐᓇ ᐋᖅᑭᒃᓯᒪᓕᖅᑐᑦ ᓯᕗᒻᒧᐊᖕᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐊᖏᖅᑕᐅᓯᒪᔪᒥᒃ ᐃᒃᐱᑭᑦᑐᕐᔪᐊᓕᕆᓂᕐᒥᒃ ᓄᓘᔮᖕᓂ ᐱᓕᕆᐊᒧᑦ. ᐱᔪᓐᓇᕐᓂᓗᒃᑖᖏᑦ ᓄᓘᔮᖕᓂ ᐱᓕᕆᐊᒥ ᐱᙳᖅᑎᑕᐅᔪᓐᓇᙱᑦᑐᑦ ᑭᓯᐊᓂ ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑐᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐱᕙᓪᓕᐊᑎᑕᐅᕌᓂᒃᓯᒪᓕᕈᓂ ᑭᓯᐊᓂ.
ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐊᖏᖅᑕᐅᓯᒪᔪᖅ ᐊᑐᖢᒍ ᐅᔭᕋᖕᓂᐊᕈᓐᓇᐅᑎ ᓈᓴᐅᑖ 005, ᐋᖅᑭᒋᐊᕈᑎ ᓈᓴᐅᑖ 1 ᕿᑭᖅᑖᓘᑉ ᐅᐊᖕᓇᖓᓂ ᓄᓇᐃᑦ ᐊᕕᒃᑐᖅᓯᒪᔪᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓄᑦ (NBRLUP) ᐱᔪᓐᓇᖅᑎᑕᐅᓪᓗᑎᒃ ᓄᓇᕗᑦ ᐸᕐᓇᐃᔨᖏᑕ ᑲᑎᒪᔨᖏᓐᓂᑦ 2024-ᒥ, ᐃᒃᐱᑭᑦᑐᕐᔪᐊᓂ ᓄᓇᒧᑦ ᒪᓕᒃᑕᐅᔭᕆᐊᓕᖕᓄᑦ ᑲᑎᒪᔩᑦ ᐱᔪᓐᓇᖅᓯᑎᑦᑎᓪᓗᑎᒃ ᑯᐃᓐ ᑭᒡᒐᖅᑕᐃᔨᖓᓄᑦ ᑲᑎᒪᔨᓂᑦ 2013-ᒥ, ᐊᒻᒪ ᖃᓄᐃᑦᑑᓂᖓ ᐃ ᐃᒥᕐᒧᑦ ᓚᐃᓴᓐᓯ ᑐᓂᔭᐅᓪᓗᓂ ᓄᓇᕗᒻᒥ ᐃᒪᓕᕆᔨᒃᑯᓐᓂᑦ 2013-ᒥ.
ᐹᕙᓐᓛᓐᑯᑦ ᑕᑕᑎᕆᓚᐅᖅᑐᑦ ᐊᒥᐊᒃᑰᓕᖅᑐᓄᑦ ᐱᓕᕆᓂᕐᓄᑦ ᑖᒃᑯᓄᖓᓪᓚᑦᑖᖅ ᐱᔪᓐᓇᐅᑎᓄᑦ ᐃᒃᐱᑭᑦᑐᕐᔪᐊᓕᕆᓂᕐᒧᑦ, ᐱᖃᓯᐅᑎᓪᓗᒋᑦ ᐃᖃᓗᓕᕆᓂᕐᒧᑦ ᐱᖁᔭᒃᑯᑦ ᐱᔪᓐᓴᐅᑏᑦ, ᐊᕕᒃᑐᖅᓯᒪᔪᖅ 98 ᑕᑕᑎᕆᔾᔪᑎᓂ ᐊᑐᖅᖢᒋᑦ ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᑎᒥᖁᑖᑕ ᐊᒻᒪ ᐃᖏᕐᕋᖃᑦᑕᕐᓃᑦ ᓴᐳᔾᔭᐅᓯᒪᓂᖏᓐᓄᑦ ᐱᓕᕆᐊᓄᑦ ᐊᖏᖅᑕᐅᔾᔪᑎᓄᑦ.
ᐋᖅᑭᒃᓱᐃᕙᓪᓕᐊᓪᓗᑎᒃ 2012-ᓂᓴᓄᑦ ᑭᖑᓪᓕᖅᐹᒥᒃ ᐊᕙᑎᒧᑦ ᐊᒃᑐᐃᓂᐅᓂᐊᖅᑐᑦ ᐅᓂᒃᑳᓂᑦ, ᑭᖑᓪᓕᖅᐹᒥᒃ ᐊᕙᑎᒧᑦ ᐊᒃᑐᐃᓂᐅᓂᐊᖅᑐᑦ ᐅᓂᒃᑳᓄᑦ ᐅᐃᒍᓂᑦ ᐊᒻᒪ ᖁᓖᑦ ᐊᕐᕌᒍᑦ ᐅᖓᑖᓂ ᖃᐅᔨᓴᖅᐸᓪᓕᐊᖏᓐᓇᕐᓂᕐᒧᑦ ᑎᑎᖅᑲᖁᑏᑦ ᑲᑎᑕᐅᓯᒪᔪᑦ ᑕᐃᒪᙵᓂᑦ ᓄᓘᔮᖕᓂ ᐅᔭᕋᖕᓂᐊᕐᕕᒃ ᐱᒋᐊᓚᐅᕐᒪᑦ 2015-ᒥ, ᐃᑲᔪᖅᑐᐃᔾᔪᑕᐅᓪᓗᑎᒃ ᑖᒃᑯᓄᖓ ᑕᑕᑎᑦᑕᐅᓯᒪᔪᓄᑦ ᐹᕙᓐᓛᓐᑯᑦ ᐱᕙᒋᔭᐃᓯᒪᔪᑦ ᐊᔾᔨᒌᙱᑦᑐᓂᒃ ᕿᒥᕐᕈᓂᕐᓂᒃ, ᐱᔭᕆᐊᑐᔪᑎᒍᑦ ᑎᑎᖅᑲᓂᒃ ᐊᒻᒪ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᓄᑦ ᓴᓇᐅᒪᓂᒃᓴᕐᓄᑦ ᐅᓂᒃᑳᓂᒃ, ᐅᑯᐊ ᐱᖃᓯᐅᑎᓪᓗᒋᑦ:
- ᓇᐃᓈᖅᓯᒪᔪᑦ ᑲᔪᓯᕙᓪᓕᐊᖏᓐᓇᖅᑐᑦ ᐃᓄᖕᓂᒃ ᐊᒻᒪ ᐃᓄᓕᒫᓂᒃ ᑲᑎᒪᖃᑎᖃᖃᑦᑕᕐᓃᑦ ᑕᐃᒪᙵᓂᑦ ᐅᔭᕋᖕᓂᐊᕐᓂᖅ ᐊᐅᓚᓂᖃᓯᒋᐊᓚᐅᖅᓯᒪᖕᒪᑦ 2015-ᒥᑦ;
- ᓄᑖᙳᕆᐊᖅᓯᒪᔪᑦ ᐃᒪᑦᑎᐊᕙᖕᒧᑦ ᐊᒻᒪ ᑕᓯᕐᓂᒃ ᕿᒥᕐᕈᓂᕐᓄᑦ ᐊᑯᓐᓂᖓᓂ 2021 ᐊᒻᒪ 2023 ᐃᓂᓂ ᓄᓘᔮᖕᓂ ᐅᔭᕋᖕᓂᐊᕐᕕᐅᔪᒥ, ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᑦ ᑐᓚᒃᑕᕐᕕᒃᓴᖓᓄᓪᓗ;
- ᓄᑖᙵᕆᐊᖅᖢᒋᑦ ᖃᖓᑕᓲᒃᑯᑦ ᑐᒃᑐᓂᒃ ᖃᐅᔨᓴᕈᑏᑦ 2023-ᒥ ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᓂ ᐊᒻᒪ ᑐᓚᒃᑕᕐᕕᒃᓴᐅᑉ ᐃᓂᐊᓂ;
- ᓄᑖᙳᕆᐊᖅᖢᒋᑦ ᓄᓇᓕᕆᓂᕐᒧᑦ ᖃᐅᔨᓴᕐᓃᑦ 2023-ᒥ;
- ᓄᑖᙳᕆᐊᖅᖢᒋᑦ ᐃᑦᑕᕐᓂᓴᓂᒃ ᖃᐅᔨᓴᕐᓃᑦ 2023-ᒥ;
- ᓄᑖᙳᕆᐊᖅᑕᐅᓪᓗᑎᒃ ᐱᔭᕆᐊᑐᔪᑎᒍᑦ ᑎᑎᖅᑲᑦ ᐅᑭᐅᖅᑕᖅᑐᑦ ᖃᓄᐃᓕᖓᓂᖓᓄᑦ ᐊᒻᒪ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐋᖅᑭᓯᒪᓂᖏᓐᓄᑦ ᐃᓗᓕᖏᑦ, ᐊᒻᒪᓗᑦᑕᐅᖅ ᓂᐱᓄᑦ ᓇᔭᒃᓴᓗᒃᑐᓄᓪᓗ.