ᑐᓴᕋᓱᐊᕐᓃᑦ ᑲᑎᒪᖃᑎᖃᖃᑦᑕᕐᓃᓪᓗ

ᓄᓘᔮᖕᓂ ᐱᓕᕆᐊᖅ ᑐᕌᒐᐅᓯᒪᔪᑦ ᐱᓕᕆᓂᕐᔪᐊᓄᑦ ᐊᒻᒪ ᑲᑎᒪᖃᑎᖃᖃᑦᑕᐃᓐᓇᕐᓃᑦ ᕿᑭᖅᑖᓗᖕᒥ ᓄᓇᓕᖕᓂᒃ ᐊᓯᖏᓐᓂᓪᓗ ᐊᒃᑐᖅᑕᐅᑐᐃᓐᓇᕆᐊᖃᖅᑐᓂ ᑲᑎᙵᔪᓂ ᐱᖃᓯᐅᑎᓪᓗᒋᑦ ᓄᓇᓕᖕᓂ ᕼᐋᒪᓚᒃᑯᑦ ᑲᑎᒪᔨᖏᑦ, ᐃᓄᐃᑦ ᑎᒥᖁᑎᖏᑦ, ᓄᓇᓕᖕᓂ ᓇᖕᒥᓂᕆᔭᐅᔪᑦ ᐃᖅᑲᓇᐃᔭᖅᑎᓄᓪᓗ ᑲᑐᔾᔨᖃᑎᒌᑦ, ᐊᒻᒪᓗᑦᑕᐅᖅ ᓄᓇᕗᒻᒥ ᒐᕙᒪᑐᖃᒃᑯᓐᓂᓗ ᒪᓕᒐᓕᕆᓂᕐᒧᑦ ᐱᔪᓐᓇᐅᑎᖃᖅᑐᓂᒃ - ᑕᒪᐃᓐᓂᒃ ᑖᒃᑯᓂᖓᓪᓚᑦᑖᖅ ᐊᒻᒪ ᒪᓕᒐᖅᑎᒍᑦ ᑲᔪᓯᓂᐅᔪᒃᑯᑦ ᓴᖅᑭᑕᐅᓯᒪᔪᑦ ᐊᑐᖅᑕᐅᓪᓗᑎᒃ ᓄᓇᕗᒻᒥ ᐊᖏᕈᑏᑦ.

ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐃᓂᖃᕐᓂᐊᖅᑐᑦ ᐅᖓᓯᒃᑐᒦᓪᓗᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ, 200 ᑭᓛᒥᑕᐸᓗᖕᒥᒃ ᐅᖓᓯᖕᓂᓕᒃ, ᕿᑎᐊᓂ, ᖃᓂᓛᒥ ᓄᓇᓕᐅᔪᒥ. ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᓴᓇᐅᒪᓂᒃᓴᓕᐅᖅᑕᐅᓯᒪᔪᖅ, ᐊᒻᒪ ᐋᖅᑭᒋᐊᖅᑕᐅᓯᒪᓪᓗᓂ ᐹᕙᓐᓛᓐᑯᓐᓂ ᐅᖓᑖᓂ 10 ᐊᕐᕌᒍᓄᑦ, ᐊᐅᓚᓂᖃᓕᒻᒪᒃᖢᑎᓘ 18-ᓂᓪᓗ ᐊᕐᕌᒍᓄᑦ ᑲᑎᒪᖃᑎᖃᖃᑦᑕᕐᓯᒪᓕᖅᖢᑎᒃ, ᑐᓴᕋᓱᐊᖃᑦᑕᖅᓯᒪᓪᓗᑎᒃ ᐊᒻᒪ ᑲᑐᔾᔨᖃᑎᖃᖅᓯᒪᓪᓗᑎᒃ ᓄᓇᓕᖕᓂ.

ᓄᓇᓖᑦ

ᐹᕙᓐᓛᓐᑯᑦ ᑲᑎᒪᖃᑎᖃᖃᑦᑕᖅᓯᒪᔪᑦ ᐃᒃᐱᑭᑦᑐᕐᔪᐊᓕᕆᓂᕐᒧᑦ ᐊᒻᒪ ᓯᕗᓂᒃᓴᒥ ᓂᒋᐊᒍᑦ ᐊᐅᓪᓚᖅᑎᑦᑎᖃᑦᑕᕐᓂᕐᒧᑦ ᐊᖅᑯᑖᓂᒃ ᓄᓇᕗᑦ ᑐᙵᕕᒃ ᑎᒥᖁᑖᓂᒃ ᐊᒻᒪ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓂᒃ ᕿᑭᖅᑖᓗᖕᒥᓗ ᓄᓇᓕᖕᓂ ᐅᑯᓇᓂ:

  • ᐃᒃᐱᐊᖅᔪᒃ
  • ᑲᖏᖅᑐᒑᐱᒃ
  • ᐃᒃᓗᓕᒃ
  • ᒥᑎᒪᑕᓕᒃ
  • ᓴᓂᕋᔭᒃ
  • ᑭᖓᐃᑦ
  • ᑭᒻᒥᕈᑦ
  • ᐹᕙᓐᓛᓐᑯᑦᑕᐅᖅ ᑲᑎᒪᖃᑎᖃᖃᑦᑕᖅᓯᒪᔪᑦ ᒪᑭᕝᕕᒃ ᑯᐊᐳᕇᓴᒃᑯᓐᓂᒃ (ᑭᒡᒐᖅᑐᐃᔪᑦ ᓄᓇᕕᖕᒥ ᓄᓇᖁᑖᓂ, ᑯᐸᐃᖕᒥ) ᐃᓱᒪᒋᓪᓗᒍ ᐃᒃᐱᑭᑦᑐᕐᔪᐊᓄᑦ ᐊᐅᓪᓚᖅᑎᑦᑎᖃᑦᑕᕐᓂᕐᒧᑦ ᐊᖅᑯᑖ.

Infographic map displaying the locations of seven Nunavut communities engaged by Baffinland on the Steensby Component: Arctic Bay, Clyde River, Igloolik, Pond Inlet, Sanirajak, Kinngait, and Kimmirut. The map also highlights the Mary River Project and the Nunavik Region to the south, which Baffinland has consulted regarding the Steensby shipping route.

ᐱᖃᖅᑎᐅᖃᑕᐅᔪᑦ

ᐃᒃᐱᑭᑦᑐᕐᔪᐊᓕᕆᓂᖅ ᐃᓱᒪᒋᖃᓯᐅᔾᔨᓯᒪᔪᖅ, ᐊᔪᕐᓇᙱᓐᓂᓕᒫᖓᓄᑦ, ᐊᑕᖏᖅᖢᒋᑦ ᐱᖃᖃᑕᐅᔪᑦ ᐃᓱᒪᒋᔭᖏᓐᓂᒃ ᑐᓴᖅᑎᔾᔪᑕᐅᓯᒪᔪᑦ ᐹᕙᓐᓛᓐᑯᓐᓄᑦ. ᐋᖅᑭᒡᕕᖃᐃᓐᓇᖅᑐᑦ ᐸᓚᐅᒪᑎᑦᑎᓇᓲᑏᑦ ᐊᑐᓕᖅᑕᐅᓂᐊᖅᑐᑦ ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᓂ ᐱᕙᓪᓕᐊᑎᑕᐅᓯᒪᔪᑦ ᑲᑐᔾᔨᓪᓗᑎᒃ ᐃᓄᖕᓂᒃ, ᓄᓇᕗᑦ ᑐᙵᕕᒃ ᑎᒥᖁᑖᓂᒃ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓂ, ᓄᓇᓕᖕᓂ ᐊᒻᒪ ᒐᕙᒪᑐᖃᒃᑯᓐᓂ ᓄᓇᕘᒻᒥᓗ ᐱᔪᓐᓇᐅᑎᖃᖅᑐᓂᑦ ᐱᔪᓐᓇᕐᓂᖃᕐᕕᖃᖅᑐᓂᒃ ᐱᓕᕆᐊᒥᒃ. ᑖᒃᑯᐊ ᐱᓕᕆᔾᔪᓰᑦ ᓇᓗᓇᐃᔭᖅᑕᐅᓯᒪᔪᑦ, ᑖᒃᑯᓄᖓᓪᓚᑦᑖᖅ, ᐊᒻᒪ ᐊᔾᔨᐅᙱᑦᑑᓪᓗᑎᒃ ᕿᑭᖅᑖᓗᖕᒥ ᓄᓇᖁᑖᓄᑦ. ᐊᑖᓃᑦᑐᑦ ᐊᔾᔨᙳᐊᑦ ᐊᑐᐃᓐᓇᐅᑎᑦᑎᔪᑦ ᓇᐃᓈᖅᓯᒪᔪᓂᒃ ᐹᕙᓐᓛᑯᓐᓂᒃ ᐱᖃᖃᑕᐅᔪᓂᒃ.

Infographic listing Baffinland stakeholders, including governments, NGOs, Inuit organizations, and Hamlet councils. These stakeholders, many with jurisdiction over the Project, play a key role in shaping the adaptive mitigation measures for the Steensby Component.

ᐱᖃᖃᑕᐅᔪᓂᒃ ᑲᑎᒪᖃᑎᖃᖃᑦᑕᕐᓂᕐᒧᑦ ᐅᓂᒃᑳᑦ

ᐱᓕᕆᖃᑎᖃᕐᓂᖅ ᓄᓇᓕᖕᓂ

Engagement with Communities

ᐹᕙᓐᓛᓐᑯᑦ ᑲᑎᒪᖃᑎᖃᖃᑦᑕᖅᓯᒪᔪᑦ ᓄᓇᓕᖕᓂ ᐱᔾᔪᑎᒋᓪᓗᒍ ᐃᒃᐱᑭᑦᑐᕐᔪᐊᓄᑦ ᓄᓇᐅᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ ᐊᑐᖅᑎᓪᓗᒋᑦ ᐱᖓᓱᑦ ᖃᓂᒌᒃᑕᖅᑐᑦ ᐊᑐᖅᑕᐅᔪᑦ ᑐᕌᒐᐅᔪᓂ.

2008 – 2012

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᕙᑎᒥᒃ ᕿᒥᕐᕈᓂᖓ ᓄᓘᔮᖕᓂ ᐱᓕᕆᐊᒧᑦ ᐱᓕᕆᐊᖑᓚᐅᖅᓯᒪᔪᖅ ᐊᑯᓐᓂᖓᓂ 2008 ᐊᒻᒪᓗ 2012. ᑕᒪᓐᓇ ᑲᔪᓯᕙᓪᓕᐊᓂᐅᔪᖅ ᐱᖃᓯᐅᔾᔨᓯᒪᓚᐅᖅᑐᑦ ᐊᒥᓱᓂᒃ ᑭᒃᑯᓕᒫᓂᒃ ᓈᓚᖕᓂᖃᖅᑎᑦᑎᓂᕐᓂᒃ ᐊᓯᖏᓐᓂᓪᓗ ᑲᑎᒪᖃᑎᖃᕐᓂᕐᒧᑦ ᐱᕕᒃᓴᐅᔪᓂᒃ, ᑲᑎᙵᐅᖅᑐᑦ ᓲᕐᓗ ᒐᕙᒪᑐᖃᒃᑯᑦ, ᓄᓇᕗᒻᒥ ᒐᕙᒪᒃᑯᑦ ᐊᒻᒪ ᓄᓇᓕᖕᓂ ᒐᕙᒪᒃᑯᑦ ᑭᒡᒐᖅᑐᐃᔨᖃᖅᖢᑎᒃ, ᐃᓄᐃᑦ ᑎᒥᖁᑎᖏᑦ, ᓄᓇᓕᖕᓂ ᑭᒡᒐᖅᑐᐃᔩᑦ, ᐃᓄᑐᖃᑦ, ᒪᒃᑯᑦᑐᑦ ᐃᓚᒋᔭᐅᔪᓪᓗ ᑭᒃᑯᑐᐃᓐᓇᕐᓄᑦ, ᑐᓴᖃᑎᒌᒍᑎᖃᕈᓐᓇᓚᐅᖅᑐᑦ ᐃᓱᒪᒋᔭᖏᓐᓂᒃ ᐱᐅᔪᑎᒍᑦ ᐊᑲᐅᙱᑦᑐᑎᒍᓪᓗ ᐊᒃᑐᐃᓂᐅᑐᐃᓐᓇᕆᐊᓕᖕᓂᒃ ᓄᓇᓯᐅᑎᑯᑖᒃᓴᐅᑉ ᐊᒃᑐᐃᓂᕆᑐᐃᓐᓇᕆᐊᖃᖅᑕᖏᑦ.

2018 – 2022

ᐹᕙᓐᓛᓐᑯᑦ ᑲᑎᒪᖃᑎᖃᖃᑦᑕᖅᓯᒪᔪᑦ ᐱᓕᕆᐊᑉ ᒪᕐᕈᒋᓕᖅᑕᖓᓄᑦ ᑐᒃᓯᕋᐅᒻᒧᑦ, ᐱᖃᓯᐅᔾᔨᓯᒪᔪᖅ ᑐᒃᓯᕋᖅᑕᐅᒃᑲᓐᓂᖅᑐᓂᒃ ᐅᐊᖕᓇᖓᒍᑦ ᓄᓇᓯᐅᑎᑯᑖᒃᓴᒧᑦ ᐊᖅᑯᑎᑯᑖᒃᓴᒥᒃ. ᐋᒃᑳᖅᑕᐅᓚᐅᕋᓗᐊᖅᑎᓪᓗᒍ ᐱᓕᕆᐊᑉ ᒪᕐᕈᒋᓕᖅᑕᖓᓄᑦ ᑐᒃᓯᕋᐅᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᖏᓐᓂ ᐊᒻᒪ ᒥᓂᔅᑕ ᐅᑭᐅᖅᑕᖅᑐᓕᕆᓂᕐᒧᑦ, ᐃᓄᓕᒫᓂᒃ ᑲᑎᒪᖃᑎᖃᖃᑦᑕᕐᓂᖅ ᐊᑐᖅᑕᐅᖃᑦᑕᓚᐅᖅᑐᑦ ᑕᒪᑐᒧᖓ ᐅᓄᖅᑐᕐᔪᐊᖑᓚᐅᖅᑐᑦ, ᐊᒻᒪ ᐱᕕᖃᖅᑎᑦᑎᓯᒪᓪᓗᓂ ᐹᕙᓐᓛᓐᑯᓐᓂᒃ ᐱᓕᕆᖃᑎᖃᕐᓗᑎᒃ ᓄᓇᓕᖕᓂᒃ ᐊᓯᖏᓐᓂᓗ ᐊᒃᑐᖅᑕᐅᓯᒪᔪᓂᒃ ᑲᑎᙵᐅᖅᑐᓂᒃ ᐱᔾᔪᑎᒋᓪᓗᒋᑦ ᐃᓱᒪᒋᔭᐅᔪᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓᓄᑦ.

2023 – 2024

ᐹᕙᓐᓛᓐᑯᑦ ᑲᑎᒪᖃᑎᖃᖃᑦᑕᓪᓚᑦᑖᖅᓯᒪᔪᑦ ᓄᓇᓕᖕᓂ ᐊᒻᒪ ᐱᖃᖃᑕᐅᔪᓂᒃ ᐱᔾᔪᑎᒋᓪᓗᒍ ᐃᒃᐱᑭᑦᑐᕐᔪᐊᓄᑦ ᓄᓇᓯᐅᑎᑯᑖᒃᓴᐅᑉ ᐊᖅᑯᑎᑯᑖᒃᓴᖓ, ᐱᔾᔪᑎᖃᖅᖢᑎᒃ ᐅᖃᐅᓯᒃᓴᖃᕐᕕᐅᔪᒪᓪᓗᑎᒃ ᐊᕕᒃᑐᖅᓯᒪᔪᖅ 98 ᑕᑕᑎᖅᑕᐅᓯᒪᔪᒧᑦ, ᐃᖃᓗᓕᕆᓂᕐᒧᑦ ᐱᖁᔭᕐᒧᑦ ᐱᔪᓐᓇᐅᑎ(ᑏᑦ), ᐊᒻᒪ ᐃᖏᕐᕋᕝᕕᐅᔪᓐᓇᖅᑐᑦ ᓴᐳᔾᔭᐅᓯᒪᓂᖏᓐᓄᑦ ᐱᓕᕆᐊᖅ ᐊᖏᖅᑕᐅᖁᓪᓗᒍ.